ثقافة وفن / المصرى اليوم

رسالة مؤثرة من دينا الشربيني إلى هيثم أحمد زكي

لاقتراحات اماكن الخروج

نعت الفنانة دينا الشربيني الفنان الشاب هيثم أحمد زكي، ووجهت له رسالة مؤثرة في صفحتها على«فيس بوك»، وقالت «دينا»: «أنا مبعرفش أكتب ولا عمرى كتبت ..
بس أنا مش قادرة أصدق أنى مش هشوفك تانى! ولا هتكلمنى في التليفون تانى وتقولى يالا نتقابل.. ولو مردتش عليك ألاقيك بعتلى مسدچ بتقللى طظ فيكى مش هكلمك تانى، وأول ما أبعتلك أقلك يا بنى ملحقتش أرد ده التليفون رن مرتين تقللى خلاص امسحى المسدچ وكأنى مبعتلكيش حاجة«.

وأضافت: «طول اليوم كنت بهرب من أنى أصدق إن ده حصلك انت يا هيثم... لحد ما جيت أنام دلوقتي ومش هاين عليا أنام وإحنا سيبينك لوحدك.. كنت دايما تقلنا كلنا اسألوا عليا لحسن أموت لوحدي ومحدش يعرف.. كنت طيب وجدع وحنين وعامل زى العيال الصغيرة، نفسى نحب بعض كلنا ونخاف على مشاعر بعض، مش لازم نستنى حد فينا يموت علشان نفهم إن الدنيا مش مستهلة».

وتابعت: «هيثم شاف أيام صعبة وضغط كبير من الناس وتنمر ومقارنة مش عادلة للأسف مشفش حب الناس اللى إحنا شايفينه دلوقتي، أنا عارفة إنك في مكان أحسن من اللى إحنا فيه وسط حبيبك.. كان نفسك ترحلهم وأديك رحت يا هيثم.»

كان جثمان الفنان الشاب هيثم أحمد زكي شُيع بالأمس، بعد وفاته بشكل مفاجئ، وشارك عدد كبير من الفنانين ومحبي الفنان في تشييع جنازته.

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا